Направената ревизија на успешност е насочена првенствено кон Министерството за животна средина и просторно планирање на Република Македонија, како и кон други институции кои имаат делокруг на работа поврзан со предметот на ревизија.

Ревизијата е спроведена со цел да се даде оценка за координацијата, управувањето, меѓународните обврски и обврските од националната регулатива, нивното планирање, имплементација и реални резултати. Како цел се поставува и свесноста на секторските ризици во областа на емисии од стакленички гасови, алатки со кој се градат соодветни политики кај институциите кои се надлежни да ги исполнат поставените цели.

Целокупниот опфат, како и спроведените техники и методологија при вршењето ревизијата, даде основа да се изрази следново мислење:

- утврдено е дека во периодот 2006 – 2008 година, Република Македонија има донесено законска и подзаконска регулатива, национални стратегии и планови, мерки и проекции со кои во голем обем ги покрива и регулира активностите на намалување и справување со климатските промени.

Тоа претставува добра основа на национално и меѓународно ниво за имплементирање на одредбите кои произлегуваат од меѓународните конвенции.

За детални информации кликни на таб „РЕВИЗИЈА НА УСПЕШНОСТ – издадени во 2010 година“.